हिलसाइडका विद्यार्थी नेपालमै पहिलो पटक टेलिकम टेक्नीसियनको परिक्षामा सहभागी

हिलसाइडका विद्यार्थी नेपालमै पहिलो पटक टेलिकम टेक्नीसियनको परिक्षामा सहभागी 1

दाङ । नेपालमै पहिलोपटक दाङको तुलसिपुर स्थित हिलसाइड टेक्नीकल कलेजका विद्यार्थीहरु टेलिकम टेक्नीसियन तह २ को परिक्षामा सहभागी भएका छन् । सो कलेजमा अध्ययनरत २२ जना विद्यार्थीहरु परिक्षामा सहभागी भएको प्राविधिक शिक्षा तथा व्यावसायिक तालिम परिषद् सिटीईभिटीले जनाएको छ ।
गत १८ भदौदेखि परिक्षा भएको थियो । विद्यार्थीहरुको लिखीत र मौखिक दुवै परिक्षा साथै सिप परिक्षण पनि गराइएको परिषद्का टेक्नीकल असिस्टेन्ट सन्तोष महासेठले बताए । उनले भने, ‘हिलसाइडका विद्यार्थीहरुले नेपालमै पहिलोपटक टेलीकम टेक्निसियन तह २ को परिक्षा दिएका हुन् । परिषद् अन्तर्गत् नेशनल स्किेल टेस्टीङ बोर्ड मार्फत परिक्षा भएको हो ।’ सो अनुभव र परिक्षा उत्तिर्ण पश्चात् नेपाल टेलीकमले खोल्ने टेलीकम टेक्निसीयन तह चारमा प्रतिष्पर्धा गर्न पाइने परिषद्ले जनाएको छ । परिक्षाको नतिजा एक महिनाभित्र सार्वजनिक हुने बताइएको छ । यस अघि जुनीयर टेलिकम टेक्निसीयन तह एकको परिक्षा भएपनि टेलिकम टेक्निसीयन तह दुइको परिक्षा नेपालमै पहिलो पटक भएको हो । नेपालमा पहिलोपटक हिलसाइड टेक्निकल कलेजमा टेलिकम टेक्निसीयन तह दुइको अध्ययन अध्यापन हुदै आएको छ ।
नेपालमै पहिलोपटक हिलसाइड टेक्नीकल कलेजले यो कार्यक्रम संञ्चालनमा लिएको र पहिलो पटक विद्यार्थीहरु टेलिकम टेक्निसियन तह २ को परिक्षामा सहभागी भएको नेपाल टेलिकमका टेक्निकल अफिसर श्रीनारायण चौधरीले बताए । उनले भने ‘विद्यार्थीले दुरसंञ्चार प्रदायक संस्थाहरुबाट खुलाएका विज्ञापनहरु जस्तै नेपाल टेलिकम, एनसिएल तथा अन्य दुरसंञ्चार प्रदायक संस्थाहरुमा रोजगारिको अवसर प्राप्त गर्नेछन् ।’

SPONSORED

हिलसाइडका विद्यार्थी नेपालमै पहिलो पटक टेलिकम टेक्नीसियनको परिक्षामा सहभागी 2